From specific make-up shades to the size of bindi, Air India cabin crew get new grooming guidelines – Regular colouring of grey hair, and no black or religious thread on wrist or ankle are parts of Air India’s new grooming guidelines for its cabin crew. The new guidelines said that male crew with a deep receding hairline or balding patches must keep a clean shaven or bald look. It also said that the head must be shaved daily. The grooming guidelines said that while grey hair is not permitted, it must be regularly coloured in a natural shade and fashion colours and henna are not allowed.

ਏਅਰ ਇੰਡੀਆ ਦੇ ਕੈਬਿਨ ਅਟੈਂਡੈਂਟਸ ਹੁਣ ਨਵੇਂ ਲੁਕ ਵਿੱਚ ਨਜ਼ਰ ਆਉਣਗੇ। ਦਰਅਸਲ ਗਰੂਮਿੰਗ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਇਸ ਵਿੱਚ ਬਿੰਦੀ ਦੇ ਆਕਾਰ ਤੋਂ ਲੈ ਕੇ ਚੂੜੀਆਂ ਦੀ ਗਿਣਤੀ ਵੀ ਤੈਅ ਕੀਤੀ ਗਈ ਹੈ। ਗਾਈਡਲਾਈਨ ‘ਚ ਕਿਹਾ ਗਿਆ ਹੈ ਕਿ ਬਿੰਦੀ ਦਾ ਆਕਾਰ 0.5 ਸੈਂਟੀਮੀਟਰ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ। ਇੱਕ ਤੋਂ ਵੱਧ ਚੂੜੀਆਂ ਪਹਿਨਣ ਦੀ ਵੀ ਇਜਾਜ਼ਤ ਨਹੀਂ ਹੈ। ਗਾਈਡਲਾਈਨ ਵਿੱਚ ਮੇਲ ਕਰੂ ਦੇ ਹੇਅਰ ਸਟਾਈਲ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ।

ਜਾਣਕਾਰੀ ਮੁਤਾਬਕ, ਗਰੂਮਿੰਗ ਦਿਸ਼ਾ-ਨਿਰਦੇਸ਼ਾਂ ‘ਚ ਏਅਰ ਇੰਡੀਆ ਨੇ ਮੇਲ ਕਰੂ ਦੇ ਉਨ੍ਹਾਂ ਮੈਂਬਰਾਂ ਨੂੰ ਕਿਹਾ ਹੈ, ਜਿਨ੍ਹਾਂ ਦੇ ਵਾਲ ਘੱਟ ਹਨ ਜਾਂ ਜਿਨ੍ਹਾਂ ਦੇ ਗੰਜੇ ਹਨ ਉਨ੍ਹਾਂ ਮੇਲ ਕਰੂ ਨੂੰ ਕਲੀਨ ਸ਼ੇਵ ਹੈੱਡ ਯਾਨੀ ਬਾਲਡ ਲੁੱਕ ਰੱਖਣਾ ਪਏਗਾ। ਮੇਲ ਕਰੂ ਮੈਂਬਰਾਂ ਨੂੰ ਰੋਜ਼ਾਨਾ ਹੈਡ ਸ਼ੇਵ ਕਰਨ ਲਈ ਵੀ ਕਿਹਾ ਗਿਆ ਹੈ। ਇਸ ਦੇ ਨਾਲ ਹੀ, ਮੇਲ ਕਰੂ ਮੈਂਬਰਾਂ ਦੇ ਖਿਲਰੇ ਹੋਏ ਜਾਂ ਲੰਬੇ ਵਾਲਾਂ ਵਾਲੇ ਹੇਅਰ ਸਟਾਈਲ ਵੀ ਨਹੀਂ ਹੋ ਸਕਦੇ ਹਨ।

ਮਹਿਲਾ ਕਰੂ ਮੈਂਬਰਾਂ ਨੂੰ ਮੋਤੀ ਦੀਆਂ ਵਾਲੀਆਂ ਪਹਿਨਣ ਦੀ ਇਜਾਜ਼ਤ ਨਹੀਂ ਹੈ। ਬਿੰਦੀ ਦਾ ਆਕਾਰ ਵੀ 0.5 ਸੈਂਟੀਮੀਟਰ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ। ਮਹਿਲਾ ਕਰੂ ਆਪਣੇ ਹੱਥਾਂ ‘ਤੇ ਸਿਰਫ ਇਕ ਚੂੜੀ ਪਾ ਸਕਦੀ ਹੈ, ਪਰ ਚੂੜੀ ‘ਤੇ ਕੋਈ ਡਿਜ਼ਾਈਨ ਜਾਂ ਸਟੋਨਸ ਨਹੀਂ ਹੋਣਾ ਚਾਹੀਦਾ ਹੈ। ਇੰਨਾ ਹੀ ਨਹੀ ਹੁਣ ਮਹਿਲਾ ਕਰੂ ਵਾਲਾਂ ਨੂੰ ਬੰਨ੍ਹਣ ਲਈ ਹਾਈ ਟਾਪ ਨਾਟ ਅਤੇ ਲੋਅ ਬਨ ਸਟਾਈਲ ਦੀ ਵਰਤੋਂ ਨਹੀਂ ਕਰ ਸਕਦੇ ਹਨ।

ਇਸਦੇ ਨਾਲ ਹੀ ਮਹਿਲਾ ਕਰੂ ਬਿਨਾਂ ਕਿਸੇ ਡਿਜ਼ਾਈਨ ਦੇ ਸਿਰਫ਼ ਸੋਨੇ ਅਤੇ ਹੀਰੇ ਦੇ ਗੋਲ ਆਕਾਰ ਦੇ ਟਾਪਸ ਪਾ ਸਕਦੀਆਂ ਹਨ। ਹੁਣ ਚਮੜੀ ਦੇ ਟੋਨ ਨਾਲ ਮੇਲ ਖਾਂਦੀ ਸਟੋਕਿੰਗਜ਼ ਵੀ ਸਾੜ੍ਹੀਆਂ ਅਤੇ ਇੰਡੋ-ਪੱਛਮੀ ਦੋਵਾਂ ਕੱਪੜਿਆਂ ਨਾਲ ਜ਼ਰੂਰੀ ਹਨ। ਦੋਵਾਂ ਹੱਥਾਂ ਵਿੱਚ ਸਿਰਫ਼ ਇੱਕ ਹੀ ਮੁੰਦਰੀ ਪਹਿਨਣ ਦੀ ਇਜਾਜ਼ਤ ਹੈ ਅਤੇ ਮੁੰਦਰੀ ਦੀ ਚੌੜਾਈ 1 ਸੈਂਟੀਮੀਟਰ ਤੋਂ ਘੱਟ ਹੋਣੀ ਜ਼ਰੂਰੀ ਹੈ। ਇਸ ਤੋਂ ਇਲਾਵਾ ਮਹਿਲਾ ਕਰੂ ਮੈਂਬਰਾਂ ਨੂੰ ਸਿਰਫ਼ ਚਾਰ ਬੌਬੀ ਪਿੰਨ ਵਰਤਣ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਮਹਿਲਾ ਕਰੂ ਮੈਂਬਰਾਂ ਨੂੰ ਮਹਿੰਦੀ ਲਗਾਉਣ ਦੀ ਵੀ ਇਜਾਜ਼ਤ ਨਹੀਂ ਹੈ।

ਕਰੂ ਮੈਂਬਰਾਂ ਨੂੰ ਆਈਸ਼ੈਡੋ, ਲਿਪਸਟਿਕ, ਨੇਲ ਪੇਂਟ ਅਤੇ ਹੇਅਰ ਸ਼ੇਡ ਕਾਰਡ ਦੀ ਵਰਤੋਂ ਕਰਨ ਲਈ ਕਿਹਾ ਗਿਆ ਹੈ। ਗ੍ਰੇ ਵਾਲਾਂ ਵਾਲੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਕਾਲੇ ਰੰਗ ਦੇ ਸ਼ੇਡ ਲਿਜਾਣ ਦੀ ਵੀ ਇਜਾਜ਼ਤ ਨਹੀਂ ਹੈ । ਇਹ ਗਾਈਡਲਾਈਨਜ਼ ਦੀ ਲੰਮੀ ਸੂਚੀ ਏਅਰ ਇੰਡੀਆ ਨੇ ਇੱਕ ਮਹੀਨਾ ਪਹਿਲਾਂ ਹੀ ਜਾਰੀ ਕੀਤੀ ਸੀ। ਹਾਲਾਂਕਿ, ਹੁਣ ਇੱਕ ਹੋਰ ਦਸਤਾਵੇਜ਼ ਜਾਰੀ ਕੀਤਾ ਗਿਆ ਹੈ, ਜਿਸ ਵਿੱਚ ਯੂਨੀਫਾਰਮ ਦਿਸ਼ਾ-ਨਿਰਦੇਸ਼ਾਂ ਵਿੱਚ ਜ਼ਰੂਰੀ ਤਬਦੀਲੀਆਂ ਬਾਰੇ ਦੱਸਿਆ ਗਿਆ ਹੈ।

ਦੱਸ ਦੇਈਏ ਕਿ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼ਾਂ ਵਿਚ ਕਿਹਾ ਗਿਆ ਹੈ ਕਿ ਗੁੱਟ, ਗਰਦਨ ਅਤੇ ਗਿੱਟੇ ‘ਤੇ ਧਾਰਮਿਕ ਜਾਂ ਕਾਲੇ ਧਾਗੇ ਨੂੰ ਬੰਨ੍ਹਣ ਦੀ ਇਜਾਜ਼ਤ ਨਹੀਂ ਹੈ। ਇਸ ਤੋਂ ਇਲਾਵਾ, ਕਰੂ ਮੈਂਬਰਾਂ ਨੂੰ ਜਨਤਕ ਖੇਤਰ ਵਿੱਚ ਪਲਾਸਟਿਕ ਦੇ ਬੈਗ ਜਾਂ ਸ਼ਾਪਿੰਗ ਬੈਗ ਲਿਜਾਣ ਦੀ ਵੀ ਆਗਿਆ ਨਹੀਂ ਹੈ।