Punjab Spectrum News
Related Articles
PM Modi doubles down on anti-Muslim rhetoric, says ‘Congress wanted to give SC-ST quota to Muslims’
ਪ੍ਰਧਾਨ ਮੰਤਰੀ ਮੌਦੀ ਨੇ ਮੁਸਲਮਾਨਾਂ ਨੂੰ ਕਿਹਾ ਘੁਸਪੈਠੀਏ ਅਤੇ ਦਿੱਤੀਆ ਸਿੱਧੀਆ ਧਮਕੀਆਂ
ਮੋਦੀ ਨੇ ਮਨਮੋਹਨ ਸਿੰਘ ਦੇ ਕਿਹੜੇ ਭਾਸ਼ਣ ਦਾ ਜ਼ਿਕਰ
ਕਰਕੇ ਕਿਹਾ ਕੇ ਕਾਂਗਰਸ ਤੁਹਾਡੇ ਮੰਗਲਸੂਤਰ ਵੀ
ਖੋਹ ਲਵੇਗੀ ਅਤੇ ਮੁਸਲਮਾਨਾਂ ਨੂੰ ਦੇ ਦੇਵੇਗੀ
ਧੰਨ ਹੈ ਉਹ ਦੇਸ਼ ਜਿਸ ਨੂੰ ਅਜਿਹਾ ਪ੍ਰਧਾਨ ਮੰਤਰੀ ਮਿਲਿਆ!!!!
ਦੇਸ਼ ਦਾ ਵਿਕਾਸ ਹੋਵੇ ਨਾ ਹੋਵੇ ਪਰ ਅਡਾਣੀ-ਅੰਬਾਨੀ ਦੇ ਦਾਣੇ ਕਦੇ ਇਹ ਨੇਤਾ ਮੁੱਕਣ ਨਹੀਂ ਦੇਣਗੇ
ਇਹ ਸਾਡੇ ਧਰਮ-ਨਿਰਪੱਖ ਦੇਸ਼ ਦਾ ਪ੍ਰਧਾਨ ਮੰਤਰੀ ਹੈ ਜਿਸ ਦੀ ਸਮੁੱਚੀ ਸਿਆਸਤ ਦੀ ਬੁਨਿਆਦ ਮੁਸਲਮਾਨਾਂ ਦਾ ਬੇੜਾ ਗ਼ਰਕ ਕਰਨ, ਮੁਸਲਮਾਨਾਂ ਨੂੰ ਬੁਰਾ-ਭਲਾ ਕਹਿਣ ਅਤੇ ਬਾਕੀ ਲੋਕਾਂ ਨੂੰ ਮੁਸਲਮਾਨਾਂ ਤੋਂ ਡਰਾਉਣ ਉਪਰ ਟਿਕੀ ਹੋਈ ਹੈ। ਆਤਮਕ ਤੌਰ ਤੇ ਕਿੰਨਾ ਲਾਚਾਰ ਤੇ ਵਿਚਾਰਾ ਹੈ ਇਹ ਆਦਮੀ ਕਿ ਲਗਾਤਾਰ 10 ਸਾਲ ਪ੍ਰਧਾਨ ਮੰਤਰੀ ਰਹਿਣ ਤੋਂ ਬਾਅਦ ਵੀ ਇਸ ਨੂੰ ਹਿੰਦੂ-ਮੁਸਲਿਮ ਦਰਮਿਆਨ ਦਹਿਸ਼ਤ ਪੈਦਾ ਕਰਕੇ ਵੋਟਾਂ ਮੰਗਣ ਦੀ ਲੋੜ ਪੈ ਰਹੀ ਹੈ। ਦੇਸ਼ ਦਾ ਚੋਣ ਕਮਿਸ਼ਨ ਬੋਲ਼ਾ ਹੋ ਚੁੱਕਾ ਹੈ, ਉਸ ਨੂੰ ਇਸ ਸ਼ਖ਼ਸ ਦੇ ਇਹ ਪ੍ਰਵਚਨ ਸੁਣਾਈ ਨਹੀਂ ਦੇ ਰਹੇ। ਇਸ ਦੇਸ਼ ਦੀ ਕਿਸੇ ਵੀ ਸਰਕਾਰ ਨੇ ਮੁਸਲਮਾਨਾਂ ਨੂੰ ਕਦੇ ਵੀ ਕੋਈ ਵਿਸ਼ੇਸ਼ ਰਿਆਇਤ ਨਹੀਂ ਦਿਤੀ। ਜੇ ਦਿੱਤੀ ਹੁੰਦੀ ਤਾਂ ਮੁਸਲਮਾਨਾਂ ਦੀ ਆਰਥਿਕ ਸਥਿਤ ਦਬੇ-ਕੁਚਲੇ ਦਲਿਤਾਂ ਨਾਲੋਂ ਬਦਤਰ ਨਾ ਹੁੰਦੀ। ਪ੍ਰਧਾਨ ਮੰਤਰੀ ਨੂੰ ਡਰ ਇਸ ਗੱਲ ਦਾ ਹੈ ਕਿ ਜੇ ਕਿਤੇ ਬੀਜੇਪੀ ਹਾਰ ਗਈ ਤਾਂ ਉਸ ਦੇ ਚੰਦ ਉਦਯੋਗਪਤੀਆਂ ਜਿਨ੍ਹਾਂ ਨੂੰ ਦੇਸ਼ ਦੀ ਸਾਰੀ ਦੌਲਤ ਸੌਂਪਣ ਦਾ ਟੀਚਾ ਮਿੱਥਿਆ ਹੋਇਆ ਹੈ, ਕਿਤੇ ਉਹ ਚਕਨਾ-ਚੂਰ ਨਾ ਹੋ ਜਾਵੇ। ਮੁਸਲਮਾਨ ਤਾਂ ਸਿਰਫ਼ ਬਹਾਨਾ ਹਨ, ਅਸਲ ਵਿਚ ਅਡਾਣੀ-ਅੰਬਾਨੀ ਦੇ ਢੋਲ ਦਾਣਿਆਂ ਨਾਲ ਭਰਨੇ ਹਾਲੇ ਬਾਕੀ ਹਨ। ਪ੍ਰਧਾਨ ਮੰਤਰੀ ਨੂੰ ਹਿੰਦੂ-ਮੁਸਲਮਾਨ ਦੀ ਬਜਾਏ ਇਹ ਦੱਸਣਾ ਚਾਹੀਦਾ ਹੈ ਕਿ ਉਸ ਦੀ 10 ਸਾਲ ਦੀ ਸਰਕਾਰ ਨੇ ਦੇਸ਼ ਦੀ ਤਰੱਕੀ ਲਈ ਕੀ ਕੀਤਾ ਹੈ? ਦੇਸ਼ ਦਾ ਕਿਸਾਨ ਅਤੇ ਮੁਲਾਜ਼ਮ ਵਰਗ ਅੱਜ ਵੀ ਅਪਣੇ ਹੱਕ ਮੰਗਦਾ ਹੋਇਆ ਸੜਕਾਂ ਉਤੇ ਰੁਲ ਰਿਹਾ ਹੈ। ਪ੍ਰਧਾਨ ਮੰਤਰੀ ਨੂੰ ਮੁਸਲਮਾਨਾਂ ਤੋਂ ਏਨਾ ਡਰ ਕਿਉਂ ਲਗਦਾ ਹੈ ਕਿ ਜਜ਼ਬਾਤੀ ਹੋ ਕੇ ਉਸ ਦੇ ਅੰਦਰਲੀ ਨਫ਼ਰਤ ਜ਼ੁਬਾਨ ਉਤੇ ਆ ਗਈ। ਜਿਸ ਇਨਸਾਨ ਦੇ ਮਨ ਅੰਦਰ ਅਜਿਹੀ ਕੜਵਾਹਟ ਹੋਵੇ, ਉਸ ਦੇ ਮੂੰਹ ਵਿਚੋਂ ਸਭ ਕਾ ਸਾਥ, ਸਭ ਕਾ ਵਿਕਾਸ ਤੇ ਸਭ ਕਾ ਵਿਸ਼ਵਾਸ ਦਾ ਮਹਾਂ-ਵਾਕ ਸੁਣ ਕੇ ਜਨਤਾ ਨੂੰ ਕਿੰਨਾ ਪੀੜਾ-ਦਾਇਕ ਲੱਗਾ ਹੋਵੇਗਾ?
ਮੁਸਲਿਮ ਔਰਤਾਂ ਨੂੰ ਅਪਣੀਆਂ ਭੈਣਾਂ ਦੱਸਣ ਵਾਲੇ ਇਸ ਵਿਅਕਤੀ ਦੇ ਪ੍ਰਵਚਨ ਮੁਸਲਿਮ ਔਰਤਾਂ ਨੂੰ ਵੀ ਯਾਦ ਰੱਖ ਲੈਣੇ ਚਾਹੀਦੇ ਹਨ ਕਿ ਉਹ ਮੁਸਲਮਾਨਾਂ ਬਾਰੇ ਕਿਹੋ-ਜਿਹੀ ਜ਼ਹਿਨੀਅਤ ਰੱਖਦਾ ਹੈ। ਹਿੰਦੂ-ਮੁਸਲਿਮ ਦੀ ਖੇਡ, ਖੇਡ ਕੇ ਸਿਆਸਤ ਚਮਕਾਉਣ ਵਾਲੇ ਦੀ ਸਰਕਾਰ ਨੇ ਸਿਰਫ਼ ਮੁਲਾਜ਼ਮਾਂ ਨੂੰ ਹੁਣ ਤਕ ਕੀ ਦਿਤਾ, ਇਸ ਉਪਰ ਝਾਤੀ ਮਾਰ ਲੈਂਦੇ ਹਾਂ :
ਪਹਿਲਾ ਤਨਖ਼ਾਹ ਕਮਿਸ਼ਨ 1947 : 40 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਦੂਜਾ ਤਨਖ਼ਾਹ ਕਮਿਸ਼ਨ 1959 : 50 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਤੀਜਾ ਤਨਖ਼ਾਹ ਕਮਿਸ਼ਨ 1973 : 25 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਚੌਥਾ ਤਨਖ਼ਾਹ ਕਮਿਸ਼ਨ 1986 : 40 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਪੰਜਵਾਂ ਤਨਖ਼ਾਹ ਕਮਿਸ਼ਨ 1996 : 35 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਛੇਵਾਂ ਤਨਖ਼ਾਹ ਕਮਿਸ਼ਨ 2006 : 40 ਫ਼ੀ ਸਦੀ ਵਾਧਾ (ਮੋਦੀ ਦੀ ਸਰਕਾਰ ਨਹੀਂ ਸੀ)
ਹੁਣ ਆ ਗਿਆ ਅੱਛੇ ਦਿਨਾਂ ਵਾਲੇ ਦਾ ਤਨਖ਼ਾਹ ਕਮਿਸ਼ਨ ਯਾਨੀ
ਸੱਤਵਾਂ ਤਨਖ਼ਾਹ ਕਮਿਸ਼ਨ 2016 : 14 ਫ਼ੀ ਸਦੀ ਵਾਧਾ (ਭਾਜਪਾ ਸਰਕਾਰ)
ਪਰ ਇਸ 14 ਫ਼ੀ ਸਦੀ ਵਾਧੇ ਨਾਲ ਹਿੰਦੂ-ਮੁਸਲਿਮ ਨਫ਼ਰਤ ਦੀ ਜ਼ਹਿਨ ਸੁੰਨ ਕਰਨ ਵਾਲੀ ਦਵਾਈ ਵੀ ਪਰੋਸ ਦਿਤੀ ਗਈ। ਇਸ ਦਵਾਈ ਕਾਰਨ ਮੋਦੀ ਭਗਤਾਂ ਨੇ ਘਾਟਾ ਬਰਦਾਸ਼ਤ ਕਰ ਲਿਆ ਪਰ ਜ਼ਬਾਨ ਨਾ ਖੋਲ੍ਹੀ ਤੇ ਇਹ ਤੁੱਥ ਜਿਹਾ ਵਾਧਾ ਲੈ ਕੇ ਮੋਦੀ ਦਾ ਰਾਗ ਅਲਾਪਣ ਲੱਗ ਪਏ। ਦੇਸ਼ ਵਿਚ ਤਿੰਨ ਬਾਰ ਜਨਤਾ ਨੇ ਭਾਜਪਾ ਨੂੰ ਸ਼ਾਸਨ ਦਾ ਮੌਕਾ ਦਿਤਾ। ਪਹਿਲੀ ਸਰਕਾਰ ਨੇ ਪੈਨਸ਼ਨ ਖ਼ਤਮ ਕਰ ਦਿਤੀ ਅਤੇ ਦੂਜੀ ਨੇ ਤਨਖ਼ਾਹ ਕਮਿਸ਼ਨ ਅਤੇ ਤੀਜੀ ਨੇ ਤਨਖ਼ਾਹ ਤੇ ਪੈਨਸ਼ਨ ਦੇ ਨਾਲ-ਨਾਲ ਡੀ.ਏ. ਵਿਚ ਵੀ ਕੱਟ ਲਗਾ ਦਿਤਾ। ਬੀਜੇਪੀ ਦੀ ਸਰਕਾਰ ਉਸ ਨਵੀਂ ਨਵੇਲੀ ਬਹੂ ਵਾਂਗ ਸਾਬਤ ਹੋ ਰਹੀ ਹੈ ਜਿਹੜੀ ਰੋਟੀ ਘੱਟ ਪਕਾਉਂਦੀ ਹੈ, ਬੋਲਦੀ ਜ਼ਿਆਦਾ ਹੈ। ਚੂੜੀਆਂ ਜ਼ਿਆਦਾ ਛਣਕਾਉਂਦੀ ਹੈ ਜਿਸ ਤੋਂ ਮੁਹੱਲੇ ਵਿਚ ਸਾਰਿਆਂ ਨੂੰ ਪਤਾ ਲੱਗ ਜਾਵੇ ਕਿ ਬਹੂ ਕੰਮ ਕਰ ਰਹੀ ਹੈ। ਪ੍ਰਧਾਨ ਮੰਤਰੀ ਤੇ ਉਨ੍ਹਾਂ ਦੀ ਟੀਮ ਗੱਲਬਾਤਾਂ ਰਾਹੀਂ ਨਿੱਤ ਨਵਾਂ ਅਡੰਬਰ ਰਚਦੀ ਹੈ ਤੇ ਲੋਕਾਂ ਅੰਦਰ ਜ਼ਹਿਰ ਘੋਲ ਕੇ ਵੋਟਾਂ ਲੈਂਦੀ ਹੈ। ਪ੍ਰਧਾਨ ਮੰਤਰੀ ਨੂੰ ਇਸ ਗੱਲ ਦੀ ਕੋਈ ਚਿੰਤਾ ਨਹੀਂ ਕਿ ਨਾਗਾਲੈਂਡ ਵਿਚ 6 ਜ਼ਿਲ੍ਹਿਆਂ ਦੇ ਵੋਟਰ, ਸਰਕਾਰ ਨਾਲ ਨਾਰਾਜ਼ਗੀ ਕਾਰਨ ਵੋਟ ਪਾਉਣ ਨਹੀਂ ਆਏ। ਉਸ ਨੂੰ ਇਸ ਗੱਲ ਦੀ ਵੀ ਕੋਈ ਚਿੰਤਾ ਨਹੀਂ ਕਿ ਦੁਨੀਆਂ ਭਰ ਦੇ ਸਿੱਖ, ਸਿੱਖ ਨੌਜੁਆਨਾਂ ਨੂੰ ਡਿਬਰੂਗੜ੍ਹ ਦੀ ਜੇਲ ਵਿਚ ਬੰਦੀ ਬਣਾਏ ਜਾਣ ਕਾਰਨ ਤੜਪ ਰਹੇ ਹਨ। ਉਸ ਨੂੰ ਮੁਸਲਮਾਨ, ਜ਼ਿਆਦਾ ਬੱਚੇ ਤੇ ਘੁਸਪੈਠੀਏ ਸਤਾਈ ਜਾ ਰਹੇ ਹਨ। ਖ਼ੁਦਾ ਇਸ ਦੇਸ਼ ਨੂੰ ਅਜਿਹੇ ਬੌਣੀ ਸੋਚ ਦੇ ਨੇਤਾਵਾਂ ਤੋਂ ਬਚਾਵੇ। ਕਿੰਨਾ ਚੰਗਾ ਹੋਵੇ, ਜੇ ਸਾਡੇ ਨੇਤਾ ਧਰਮਾਂ ਤੋਂ ਉਪਰ ਉਠ ਕੇ ਵਿਕਾਸ ਦੀ ਰਾਜਨੀਤੀ ਕਰਨ ਅਤੇ ਆਪਸੀ ਭਾਈਚਾਰਾ ਕਾਇਮ ਕਰਨ ਦਾ ਯਤਨ ਕਰਨ।
ਜ਼ਾਹਿਦਾ ਸੁਲੇਮਾਨ
ਵੋਟਾਂ ਪੈਣ ਦੇ ਪਹਿਲੇ ਗੇੜ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਨੇ ਅੱਜ ਮੁਸਲਮਾਨਾਂ ਖਿਲਾਫ ਸ਼ਰੇਆਮ ਨਿਸ਼ਾਨਾ ਲਾਇਆ ਹੈ। ਆਮ ਸਮਝ ਇਹੀ ਹੈ ਕਿ ਇਸ ਦਾ ਕਾਰਨ ਭਾਜਪਾ ਅੰਦਰ ਖਦਸ਼ਾ ਹੈ ਕਿ ਉਸਦੀ ਸੀਟਾਂ ਦੀ ਗਿਣਤੀ ਕਿਤੇ ਘਟ ਨਾ ਜਾਵੇ।
ਅਜਿਹੇ ਹਾਲਾਤ ਵਿੱਚ ਲੋਕਾਂ ਨੂੰ ਬਹੁਤ ਚੁਕੰਨੇ ਰਹਿਣ ਦੀ ਲੋੜ ਹੈ।
ਇਹ ਸਭ ਸੰਵਿਧਾਨ ਦੀ ਮੂਲ ਭਾਵਨਾ ਦੇ ਵਿਰੁੱਧ ਸੀ ਪਰ ਕਾਂਗਰਸ ਨੇ ਸੰਵਿਧਾਨ ਅਤੇ ਬਾਬਾ ਸਾਹਿਬ ਅੰਬੇਡਕਰ ਦੀ ਪਰਵਾਹ ਨਹੀਂ ਕੀਤੀ। ”
ਜੈਪੁਰ – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਕਾਂਗਰਸ ‘ਤੇ ਦਲਿਤ, ਓਬੀਸੀ ਅਤੇ ਆਦਿਵਾਸੀਆਂ ਨੂੰ ਧਰਮ ਦੇ ਆਧਾਰ ‘ਤੇ ਮੁਸਲਮਾਨਾਂ ਨੂੰ ਰਾਖਵਾਂਕਰਨ ਦੇਣ ਦਾ ਦੋਸ਼ ਲਾਇਆ। ਪੀਐੱਮ ਮੋਦੀ ਨੇ ਕਿਹਾ ਕਿ ਦੇਸ਼ ‘ਚ ਦਲਿਤਾਂ, ਪੱਛੜੀਆਂ ਜਾਤੀਆਂ ਅਤੇ ਆਦਿਵਾਸੀਆਂ ਲਈ ਰਾਖਵਾਂਕਰਨ ਖ਼ਤਮ ਨਹੀਂ ਹੋਵੇਗਾ ਅਤੇ ਨਾ ਹੀ ਇਸ ਨੂੰ ਧਰਮ ਦੇ ਨਾਂ ‘ਤੇ ਵੰਡਣ ਦਿੱਤਾ ਜਾਵੇਗਾ। ਮੋਦੀ ਨੇ ਰਾਖਵਾਂਕਰਨ ਦੇ ਮੁੱਦੇ ‘ਤੇ ਕਾਂਗਰਸ ਨੂੰ ਚੁਣੌਤੀ ਦਿੰਦੇ ਹੋਏ ਪੁੱਛਿਆ, “ਕੀ ਕਾਂਗਰਸ ਐਲਾਨ ਕਰੇਗੀ ਕਿ ਉਹ ਸੰਵਿਧਾਨ ਵਿਚ ਦਲਿਤਾਂ, ਓਬੀਸੀ ਅਤੇ ਆਦਿਵਾਸੀਆਂ ਲਈ ਰਾਖਵਾਂਕਰਨ ਨੂੰ ਵੰਡ ਕੇ ਮੁਸਲਮਾਨਾਂ ਨੂੰ ਨਹੀਂ ਵੰਡੇਗੀ?”
ਟੋਂਕ ਦੇ ਉਨੀਆਰਾ ਵਿਚ ਇੱਕ ਜਨਸਭਾ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਸੰਵਿਧਾਨ ਨੂੰ ਸਮਝਦੇ ਹਨ ਅਤੇ ਇਸ ਪ੍ਰਤੀ ਵਚਨਬੱਧ ਹਨ। ਉਨ੍ਹਾਂ ਕਿਹਾ ਕਿ ਮੋਦੀ ਸੰਵਿਧਾਨ ਨੂੰ ਸਮਝਦੇ ਹਨ। ਮੋਦੀ ਸੰਵਿਧਾਨ ਨੂੰ ਸਮਰਪਿਤ ਹਨ ਅਤੇ ਮੋਦੀ ਉਹ ਵਿਅਕਤੀ ਹਨ ਜੋ ਬਾਬਾ ਸਾਹਿਬ ਅੰਬੇਡਕਰ ਦੀ ਪੂਜਾ ਕਰਦੇ ਹਨ। ”
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 2004 ਵਿਚ ਜਿਵੇਂ ਹੀ ਕੇਂਦਰ ਵਿਚ ਕਾਂਗਰਸ ਦੀ ਸਰਕਾਰ ਬਣੀ ਤਾਂ ਉਸ ਨੇ ਸਭ ਤੋਂ ਪਹਿਲਾਂ ਆਂਧਰਾ ਪ੍ਰਦੇਸ਼ ਵਿਚ ਅਨੁਸੂਚਿਤ ਜਾਤੀਆਂ ਅਤੇ ਅਨੁਸੂਚਿਤ ਜਨਜਾਤੀਆਂ ਦਾ ਰਾਖਵਾਂਕਰਨ ਘਟਾ ਕੇ ਅਤੇ ਮੁਸਲਮਾਨਾਂ ਨੂੰ ਰਾਖਵਾਂਕਰਨ ਦੇਣ ਦਾ ਕੰਮ ਕੀਤਾ। ਉਨ੍ਹਾਂ ਕਿਹਾ ਕਿ ਜਦੋਂ ਉਹ ਮੁੱਖ ਮੰਤਰੀ ਸਨ ਤਾਂ ਤਤਕਾਲੀ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਭਾਸ਼ਣ ਦਿੱਤਾ ਸੀ ਕਿ ਮੁਸਲਮਾਨਾਂ ਦਾ ਦੇਸ਼ ਦੇ ਸਰੋਤਾਂ ‘ਤੇ ਪਹਿਲਾ ਅਧਿਕਾਰ ਹੈ। ”
“ਇਹ ਕੋਈ ਇਤਫਾਕ ਨਹੀਂ ਸੀ। ਇਹ ਇਕਲੌਤਾ ਬਿਆਨ ਨਹੀਂ ਸੀ। ਕਾਂਗਰਸ ਦੀ ਸੋਚ ਹਮੇਸ਼ਾ ਤੁਸ਼ਟੀਕਰਨ ਅਤੇ ਵੋਟ ਬੈਂਕ ਦੀ ਰਾਜਨੀਤੀ ਰਹੀ ਹੈ। ”
ਉਨ੍ਹਾਂ ਕਿਹਾ ਕਿ ਇਹ ਇਕ ਪਾਇਲਟ ਪ੍ਰੋਜੈਕਟ ਸੀ, ਜਿਸ ਨੂੰ ਕਾਂਗਰਸ ਪੂਰੇ ਦੇਸ਼ ‘ਚ ਅਜ਼ਮਾਉਣਾ ਚਾਹੁੰਦੀ ਸੀ। 2004 ਤੋਂ 2010 ਦੇ ਵਿਚਕਾਰ ਕਾਂਗਰਸ ਨੇ ਆਂਧਰਾ ਪ੍ਰਦੇਸ਼ ਵਿਚ ਮੁਸਲਿਮ ਰਾਖਵਾਂਕਰਨ ਲਾਗੂ ਕਰਨ ਲਈ ਚਾਰ ਵਾਰ ਕੋਸ਼ਿਸ਼ ਕੀਤੀ, ਪਰ ਸੁਪਰੀਮ ਕੋਰਟ ਦੀ ਜਾਗਰੂਕਤਾ ਕਾਰਨ ਉਹ ਆਪਣੀਆਂ ਯੋਜਨਾਵਾਂ ਨੂੰ ਪੂਰਾ ਨਹੀਂ ਕਰ ਸਕੀਆਂ। ”
ਉਨ੍ਹਾਂ ਕਿਹਾ ਕਿ 2011 ‘ਚ ਕਾਂਗਰਸ ਨੇ ਇਸ ਨੂੰ ਦੇਸ਼ ‘ਚ ਲਾਗੂ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਉਨ੍ਹਾਂ ਨੇ ਅਨੁਸੂਚਿਤ ਜਾਤੀਆਂ, ਅਨੁਸੂਚਿਤ ਜਨਜਾਤੀਆਂ ਅਤੇ ਹੋਰ ਪਿਛੜੇ ਵਰਗਾਂ ਨੂੰ ਦਿੱਤੇ ਅਧਿਕਾਰ ਖੋਹ ਲਏ ਅਤੇ ਵੋਟ ਬੈਂਕ ਦੀ ਰਾਜਨੀਤੀ ਲਈ ਦੂਜਿਆਂ ਨੂੰ ਦੇਣ ਦੀ ਖੇਡ ਖੇਡੀ। ਕਾਂਗਰਸ ਨੇ ਜਾਣਬੁੱਝ ਕੇ ਅਜਿਹਾ ਕੀਤਾ। ਇਹ ਸਭ ਸੰਵਿਧਾਨ ਦੀ ਮੂਲ ਭਾਵਨਾ ਦੇ ਵਿਰੁੱਧ ਸੀ ਪਰ ਕਾਂਗਰਸ ਨੇ ਸੰਵਿਧਾਨ ਅਤੇ ਬਾਬਾ ਸਾਹਿਬ ਅੰਬੇਡਕਰ ਦੀ ਪਰਵਾਹ ਨਹੀਂ ਕੀਤੀ। ”
ਉਨ੍ਹਾਂ ਕਿਹਾ ਕਿ ਜਦੋਂ ਕਰਨਾਟਕ ‘ਚ ਭਾਜਪਾ ਸਰਕਾਰ ਸੱਤਾ ‘ਚ ਆਈ ਤਾਂ ਅਸੀਂ ਸਭ ਤੋਂ ਪਹਿਲਾਂ ਕਾਂਗਰਸ ਵੱਲੋਂ ਅਨੁਸੂਚਿਤ ਜਾਤੀਆਂ ਅਤੇ ਅਨੁਸੂਚਿਤ ਜਨਜਾਤੀਆਂ ਨੂੰ ਖੋਹ ਕੇ ਮੁਸਲਮਾਨਾਂ ਨੂੰ ਦਿੱਤਾ ਰਾਖਵਾਂਕਰਨ ਕੀਤਾ ਅਤੇ ਉਨ੍ਹਾਂ ਦੇ ਹਿੱਤਾਂ ਦੀ ਰਾਖੀ ਕੀਤੀ, ਜਿਨ੍ਹਾਂ ਦੇ ਅਧਿਕਾਰ ਸਨ। ਮੋਦੀ ਨੇ ਕਿਹਾ ਕਿ ਸੱਚਾਈ ਇਹ ਹੈ ਕਿ ਜਦੋਂ ਕਾਂਗਰਸ ਅਤੇ ਉਸ ਦਾ ਗੱਠਜੋੜ ਸੱਤਾ ‘ਚ ਸੀ ਤਾਂ ਇਹ ਲੋਕ ਦਲਿਤਾਂ, ਪੱਛੜਿਆਂ ਦੇ ਰਾਖਵੇਂਕਰਨ ਨੂੰ ਤੋੜਨਾ ਚਾਹੁੰਦੇ ਸਨ ਅਤੇ ਵੋਟ ਬੈਂਕ ਦੀ ਰਾਜਨੀਤੀ ਲਈ ਉਨ੍ਹਾਂ ਦੇ ਵਿਸ਼ੇਸ਼ ਕਬੀਲੇ ਨੂੰ ਵੱਖਰਾ ਰਾਖਵਾਂਕਰਨ ਦੇਣਾ ਚਾਹੁੰਦੇ ਸਨ, ਜੋ ਸੰਵਿਧਾਨ ਦੇ ਪੂਰੀ ਤਰ੍ਹਾਂ ਵਿਰੁੱਧ ਹੈ। ”
ਉਨ੍ਹਾਂ ਕਿਹਾ ਕਿ ਬਾਬਾ ਸਾਹਿਬ ਨੇ ਦਲਿਤਾਂ, ਪੱਛੜਿਆਂ ਅਤੇ ਆਦਿਵਾਸੀਆਂ ਨੂੰ ਰਾਖਵਾਂਕਰਨ ਦਾ ਜੋ ਅਧਿਕਾਰ ਦਿੱਤਾ ਸੀ, ਕਾਂਗਰਸ ਅਤੇ ਉਸ ਦਾ ਗੱਠਜੋੜ ਇਸ ਨੂੰ ਧਰਮ ਦੇ ਆਧਾਰ ‘ਤੇ ਮੁਸਲਮਾਨਾਂ ਨੂੰ ਦੇਣਾ ਚਾਹੁੰਦਾ ਸੀ। ” ਉਨ੍ਹਾਂ ਕਿਹਾ ਕਿ ਮੈਂ ਕਾਂਗਰਸ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿ ਕੀ ਕਾਂਗਰਸ ਇਹ ਐਲਾਨ ਕਰੇਗੀ ਕਿ ਉਹ ਸੰਵਿਧਾਨ ਵਿਚ ਦਲਿਤਾਂ, ਓਬੀਸੀ ਅਤੇ ਆਦਿਵਾਸੀਆਂ ਲਈ ਰਾਖਵਾਂਕਰਨ ਘੱਟ ਨਹੀਂ ਕਰੇਗੀ ਅਤੇ ਇਸ ਨੂੰ ਮੁਸਲਮਾਨਾਂ ਵਿਚ ਨਹੀਂ ਵੰਡੇਗੀ? ਉਹ ਦੇਸ਼ ਦੇ ਲੋਕਾਂ ਨਾਲ ਵਾਅਦਾ ਕਰਦੇ ਹਨ। ”
ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੀਆਂ ਇਨ੍ਹਾਂ ਸਾਜ਼ਿਸ਼ਾਂ ਦਰਮਿਆਨ ਮੋਦੀ ਤੁਹਾਨੂੰ ਖੁੱਲ੍ਹੇ ਮੰਚ ਤੋਂ ਗਰੰਟੀ ਦੇ ਰਹੇ ਹਨ ਕਿ ਦਲਿਤਾਂ, ਓਬੀਸੀ ਅਤੇ ਆਦਿਵਾਸੀਆਂ ਲਈ ਰਾਖਵਾਂਕਰਨ ਖਤਮ ਨਹੀਂ ਹੋਵੇਗਾ। ਇਹ ਮੋਦੀ ਦੀ ਗਰੰਟੀ ਹੈ। ” ਉਨ੍ਹਾਂ ਕਿਹਾ ਕਿ ਰਾਖਵਾਂਕਰਨ ਦੀ ਸੰਵਿਧਾਨਕ ਸੀਮਾ 2020 ਵਿਚ ਖ਼ਤਮ ਹੋ ਰਹੀ ਸੀ ਅਤੇ ਇਹ ਮੋਦੀ ਹੀ ਸਨ ਜਿਨ੍ਹਾਂ ਨੇ ਦਲਿਤ ਆਦਿਵਾਸੀਆਂ ਲਈ ਰਾਖਵਾਂਕਰਨ ਅਗਲੇ 10 ਸਾਲਾਂ ਲਈ ਵਧਾ ਦਿੱਤਾ ਸੀ। ਕਾਂਗਰਸ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਪ੍ਰਧਾਨ ਮੰਤਰੀ ਨੇ ਇਹ ਵੀ ਦੋਸ਼ ਲਾਇਆ ਕਿ ਪਾਰਟੀ ਨੇ ਆਪਣੇ ਚੋਣ ਮੈਨੀਫੈਸਟੋ ਵਿੱਚ ਲੋਕਾਂ ਦਾ ਪੈਸਾ ਖੋਹ ਕੇ ਆਪਣੇ ‘ਖਾਸ’ ਨੂੰ ਵੰਡਣ ਦੀ ਡੂੰਘੀ ਸਾਜਿਸ਼ ਰਚੀ ਹੈ।
ਉਨ੍ਹਾਂ ਕਿਹਾ ਕਿ ਦੋ ਦਿਨ ਪਹਿਲਾਂ ਬਾਂਸਵਾੜਾ ‘ਚ ਉਨ੍ਹਾਂ ਦੇ 90 ਸਕਿੰਟ ਦੇ ਭਾਸ਼ਣ ਤੋਂ ਬਾਅਦ ਵੋਟ ਬੈਂਕ ਅਤੇ ਤੁਸ਼ਟੀਕਰਨ ਦੀ ਰਾਜਨੀਤੀ ਦਾ ਪਰਦਾਫਾਸ਼ ਹੋਇਆ ਹੈ, ਕਾਂਗਰਸ ਅਤੇ ਵਿਰੋਧੀ ਗੱਠਜੋੜ ‘ਇੰਡੀਆ’ ‘ਚ ਭਗਦੜ ਮਚ ਗਈ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਦੇਸ਼ ਦੇ ਸਾਹਮਣੇ ਸੱਚਾਈ ਰੱਖੀ ਹੈ। ਕਾਂਗਰਸ ਤੁਹਾਡੀ ਜਾਇਦਾਦ ਖੋਹ ਕੇ ਆਪਣੇ ਖ਼ਾਸ ਲੋਕਾਂ ਨੂੰ ਵੰਡਣ ਦੀ ਡੂੰਘੀ ਸਾਜਿਸ਼ ‘ਤੇ ਬੈਠੀ ਹੈ। ਦੋ-ਤਿੰਨ ਦਿਨ ਪਹਿਲਾਂ ਮੈਂ ਕਾਂਗਰਸ ਦੇ ਇਸ ਵੋਟ ਬੈਂਕ ਅਤੇ ਤੁਸ਼ਟੀਕਰਨ ਦੀ ਰਾਜਨੀਤੀ ਦਾ ਪਰਦਾਫਾਸ਼ ਕੀਤਾ ਸੀ। ਇਸ ਨਾਲ ਕਾਂਗਰਸ ਅਤੇ ਇਸ ਦੇ ਵਾਤਾਵਰਣ ਪ੍ਰਣਾਲੀ ਨੂੰ ਇੰਨੀ ਠੰਢ ਲੱਗ ਗਈ ਹੈ ਕਿ ਉਹ ਹਰ ਜਗ੍ਹਾ ਮੈਨੂੰ ਗਾਲ੍ਹਾਂ ਕੱਢਣ ਵਿੱਚ ਰੁੱਝੇ ਹੋਏ ਹਨ। ”
ਉਨ੍ਹਾਂ ਕਿਹਾ ਕਿ ਮੈਂ ਕਾਂਗਰਸ ਤੋਂ ਜਾਣਨਾ ਚਾਹੁੰਦਾ ਹਾਂ ਕਿ ਉਹ ਸੱਚਾਈ ਤੋਂ ਇੰਨੀ ਕਿਉਂ ਡਰਦੀ ਹੈ? ਕਾਂਗਰਸ ਆਪਣੀਆਂ ਨੀਤੀਆਂ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕਿਉਂ ਕਰ ਰਹੀ ਹੈ? ਜਦੋਂ ਤੁਸੀਂ ਕੋਈ ਨੀਤੀ ਬਣਾਈ ਹੈ, ਜਦੋਂ ਤੁਸੀਂ ਕੋਈ ਫ਼ੈਸਲਾ ਲਿਆ ਹੈ, ਹੁਣ ਜਦੋਂ ਮੋਦੀ ਨੇ ਰਾਜ਼ ਦਾ ਖੁਲਾਸਾ ਕੀਤਾ ਹੈ ਅਤੇ ਤੁਹਾਡਾ ‘ਲੁਕਿਆ ਹੋਇਆ ਏਜੰਡਾ’ ਸਾਹਮਣੇ ਆਇਆ ਹੈ ਤਾਂ ਤੁਸੀਂ ਕੰਬ ਰਹੇ ਹੋ। ”
ਪ੍ਰਧਾਨ ਮੰਤਰੀ ਨੇ ਕਿਹਾ, “ਜੇ ਤੁਹਾਡੇ ਵਿਚ ਹਿੰਮਤ ਹੈ ਤਾਂ ਸਵੀਕਾਰ ਕਰੋ, ਅਸੀਂ ਤੁਹਾਡੇ ਨਾਲ ਲੜਨ ਲਈ ਤਿਆਰ ਹਾਂ। ਮੈਂ ਇਸ ਦੇਸ਼ ਨੂੰ ਸਪੱਸ਼ਟ ਤੌਰ ‘ਤੇ ਦੱਸਣਾ ਚਾਹੁੰਦਾ ਹਾਂ ਕਿ ਕਾਂਗਰਸ ਵੋਟ ਬੈਂਕ ਦੀ ਰਾਜਨੀਤੀ ਦੀ ਦਲਦਲ ਵਿਚ ਇੰਨੀ ਡੁੱਬੀ ਹੋਈ ਹੈ ਕਿ ਉਸ ਨੂੰ ਬਾਬਾ ਸਾਹਿਬ ਦੇ ਸੰਵਿਧਾਨ ਦੀ ਵੀ ਪਰਵਾਹ ਨਹੀਂ ਹੈ।’
ਉਨ੍ਹਾਂ ਕਿਹਾ, “ਤੁਸੀਂ ਜਾਣਦੇ ਹੋਵੋਗੇ ਕਿ ਉਨ੍ਹਾਂ ਨੇ ਮੈਨੀਫੈਸਟੋ ਵਿੱਚ ਲਿਖਿਆ ਹੈ ਕਿ ਉਹ ਤੁਹਾਡੀ ਜਾਇਦਾਦ ਦਾ ਸਰਵੇਖਣ ਕਰਨਗੇ, ਅਸੀਂ ਸਾਡੀਆਂ ਮਾਵਾਂ ਅਤੇ ਭੈਣਾਂ ਕੋਲ ਔਰਤਾਂ ਦੀ ਦੌਲਤ ਦਾ ਸਰਵੇਖਣ ਕਰਾਂਗੇ, ਉਨ੍ਹਾਂ ਕੋਲ ਜੋ ਮੰਗਲਸੂਤਰ ਹੈ। ਫਿਰ ਉਨ੍ਹਾਂ ਦੇ ਇਕ ਨੇਤਾ ਨੇ ਭਾਸ਼ਣ ‘ਚ ਕਿਹਾ ਕਿ ‘ਐਕਸਰੇ’ ਕੀਤਾ ਜਾਵੇਗਾ। ”
ਉਨ੍ਹਾਂ ਕਿਹਾ ਕਿ ਕੁਝ ਦਿਨ ਪਹਿਲਾਂ ਕਰਨਾਟਕ ‘ਚ ਇਕ ਦੁਕਾਨਦਾਰ ਨੂੰ ਸਿਰਫ ਇਸ ਲਈ ਕੁੱਟਿਆ ਗਿਆ ਕਿਉਂਕਿ ਉਹ ਆਪਣੀ ਦੁਕਾਨ ‘ਚ ਹਨੂੰਮਾਨ ਚਾਲੀਸਾ ਸੁਣ ਰਿਹਾ ਸੀ। “ਤੁਸੀਂ ਕਲਪਨਾ ਕਰ ਸਕਦੇ ਹੋ … ਕਾਂਗਰਸ ਦੇ ਰਾਜ ਵਿਚ ਹਨੂੰਮਾਨ ਚਾਲੀਸਾ ਨੂੰ ਸੁਣਨਾ ਵੀ ਜੁਰਮ ਬਣ ਜਾਂਦਾ ਹੈ। ਕਾਂਗਰਸ ਦੇ ਸ਼ਾਸਨ ਵਿਚ ਤੁਹਾਡੇ ਵਿਸ਼ਵਾਸ ਦਾ ਪਾਲਣ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਰਾਜਸਥਾਨ ਖੁਦ ਇਸ ਦਾ ਸ਼ਿਕਾਰ ਹੋਇਆ ਹੈ। ”
ਉਨ੍ਹਾਂ ਕਿਹਾ ਕਿ ਰਾਜਸਥਾਨ ਵਿੱਚ ਪਿਛਲੀ ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਰਾਮ ਨੌਮੀ ਦੇ ਜਲੂਸ ‘ਤੇ ਪੱਥਰ ਸੁੱਟਣ ਵਾਲਿਆਂ ਨੂੰ ਸਰਕਾਰੀ ਸੁਰੱਖਿਆ ਦਿੱਤੀ ਗਈ ਸੀ ਅਤੇ ਰਾਮ ਨੌਮੀ ‘ਤੇ ਪਾਬੰਦੀ ਲਗਾਈ ਗਈ ਸੀ। ਉਨ੍ਹਾਂ ਕਿਹਾ ਕਿ ਇਸੇ ਕਾਂਗਰਸ ਪਾਰਟੀ ਨੇ ਤੁਸ਼ਟੀਕਰਨ ਲਈ ਮਾਲਪੁਰਾ, ਕਰੌਲੀ, ਛਾਬੜਾ, ਟੋਂਕ ਅਤੇ ਜੋਧਪੁਰ ਨੂੰ ਦੰਗਿਆਂ ਦੀ ਅੱਗ ‘ਚ ਸੁੱਟ ਦਿੱਤਾ ਸੀ। ਉਨ੍ਹਾਂ ਕਿਹਾ ਕਿ ਸੂਬੇ ‘ਚ ਭਾਜਪਾ ਦੀ ਸਰਕਾਰ ਬਣਨ ਤੋਂ ਬਾਅਦ ਕਿਸੇ ‘ਚ ਵੀ ਤੁਹਾਡੇ ਵਿਸ਼ਵਾਸ ‘ਤੇ ਸਵਾਲ ਚੁੱਕਣ ਦੀ ਹਿੰਮਤ ਨਹੀਂ ਹੈ। ਹੁਣ ਤੁਸੀਂ ਹਨੂੰਮਾਨ ਚਾਲੀਸਾ ਗਾਓਗੇ ਅਤੇ ਸ਼ਾਂਤੀ ਨਾਲ ਰਾਮ ਨੌਮੀ ਮਨਾਓਗੇ, ਇਹ ਭਾਜਪਾ ਦੀ ਗਰੰਟੀ ਹੈ। ‘
ਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਜਸਥਾਨ ਦੇ ਬਾਂਸਵਾੜਾ ਵਿੱਚ ਇੱਕ ਚੋਣ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਕਾਂਗਰਸ ਉੱਤੇ ਤਿੱਖਾ ਹਮਲਾ ਕੀਤਾ।
ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਮਾਵਾਂ-ਭੈਣਾਂ ਦਾ ਸੋਨਾ ਲੈ ਕੇ ‘ਘੁਸਪੈਠੀਆਂ ਨੂੰ ਵੰਡਣਾ ਚਾਹੁੰਦੀ ਹੈ’।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਭਾਸ਼ਣ ਵਿੱਚ ਮੁਸਲਮਾਨਾਂ ਬਾਰੇ ਟਿੱਪਣੀ ਵੀ ਕੀਤੀ ਹੈ ਜਿਸ ਉੱਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਾਂਗਰਸ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇਸ਼ ਵਿੱਚ ਨਫ਼ਰਤ ਦੇ ਬੀਜ ਬੀਅ ਰਹੇ ਹਨ।
ਪੀਐੱਮ ਮੋਦੀ ਦੇ ਭਾਸ਼ਣ ਦੇ ਖ਼ਤਮ ਹੋਣ ਤੋਂ ਕੁਝ ਦੇਰ ਬਾਅਦ ਕਾਂਗਰਸ ਦੇ ਸੀਨੀਅਰ ਆਗੂ ਪਵਨ ਖੇੜਾ ਨੇ ਇੱਕ ਵੀਡੀਓ ਬਿਆਨ ਜਾਰੀ ਕੀਤਾ ਜਿਸ ਵਿੱਚ ਉਨ੍ਹਾਂ ਨੇ ਮੋਦੀ ਨੂੰ ਚੁਣੌਤੀ ਦਿੱਤੀ ਅਤੇ ਕਿਹਾ, “ਸਾਡੇ ਘੋਸ਼ਣਾਪੱਤਰ ਵਿੱਚ ਕਿਤੇ ਵੀ ਹਿੰਦੂ ਮੁਸਲਮਾਨ ਲਿਖਿਆ ਹੋਵੇ ਤਾਂ ਦਿਖਾ ਦਵੋ।”
ਨਰਿੰਦਰ ਮੋਦੀ ਨੇ ਆਪਣੇ ਇਸ ਭਾਸ਼ਣ ਵਿੱਚ ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਵੱਲੋਂ ਦਿੱਤੇ ਗਏ ਭਾਸ਼ਣ ਦਾ ਵੀ ਜ਼ਿਕਰ ਕੀਤਾ।
ਰੈਲੀ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਹਰ ਘਰ ਵਿੱਚ ਪਾਣੀ ਅਤੇ ਗੈਸ ਪਹੁੰਚਾਉਣ ਤੋਂ ਬਾਅਦ ਉਨ੍ਹਾਂ ਦੀ ਸਰਕਾਰ ਦਾ ਉਦੇਸ਼ ‘ਹਰ ਘਰ-ਸੂਰਿਆ ਘਰ’ ਬਣਾਉਣਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਆਉਣ ਵਾਲੇ ਪੰਜ ਸਾਲਾਂ ਵਿੱਚ ਲੋਕਾਂ ਨੂੰ ਮੁਫਤ ਰਾਸ਼ਨ ਮਿਲਦਾ ਰਹੇਗਾ, ਆਦਿਵਾਸੀ ਪਰਿਵਾਰਾਂ, ਦਲਿਤ ਪਰਿਵਾਰਾਂ ਅਤੇ ਪਿਛੜੇ ਵਰਗ ਦੇ ਪਰਿਵਾਰਾਂ ਨੂੰ ਇਸ ਦਾ ਸਭ ਤੋਂ ਵੱਧ ਲਾਭ ਮਿਲੇਗਾ।
ਪੀਐੱਮ ਮੋਦੀ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ ਦੇਸ਼ ਵਿੱਚ ਇੱਕ ਮਜ਼ਬੂਤ ਸਰਕਾਰ ਦੀ ਲੋੜ ਹੈ, ਜੋ ਸਰਹੱਦਾਂ ਦੀ ਰਾਖੀ ਕਰ ਸਕੇ ਅਤੇ ਲੋੜ ਪੈਣ ‘ਤੇ ਅੰਡਰਵਰਲਡ ਵਿੱਚ ਵੀ ਖੋਜ ਕਰ ਸਕੇ ਅਤੇ ਦੁਸ਼ਮਣਾਂ ਨੂੰ ਨਸ਼ਟ ਕਰ ਸਕੇ।
ਮੋਦੀ ਨੇ ਕਿਹਾ, “ਕੀ ਇੰਨਾ ਵੱਡਾ ਦੇਸ਼ ਅਜਿਹੇ ਵਿਅਕਤੀ ਨੂੰ ਦਿੱਤਾ ਜਾ ਸਕਦਾ ਹੈ, ਜਿਸ ਦਾ ਕੋਈ ਟ੍ਰੈਕ ਰਿਕਾਰਡ ਨਹੀਂ ਹੈ? ਇੱਕ ਮੋਦੀ ਹੈ, ਜਿਸ ਨੂੰ ਤੁਸੀਂ ਜਾਣਦੇ ਹੋ, 23 ਸਾਲ ਹੋ ਗਏ ਹਨ, 13 ਸਾਲ ਹੋ ਗੁਜਰਾਤ ਵਿੱਚ ਵੀ, ਡੂੰਗਰਪੁਰ-ਬਾਂਸਵਾੜਾ ਦੇ ਲੋਕਾਂ ਨੇ ਮੈਨੂੰ ਨੇੜਿਓਂ ਦੇਖਿਆ ਹੈ।”
‘ਜਿਨ੍ਹਾਂ ਦੇ ਵੱਧ ਬੱਚੇ ਹਨ ਉਨ੍ਹਾਂ ਨੂੰ ਵੰਡਣਗੇ’
ਪ੍ਰਧਾਨ ਮੰਤਰੀ ਨੇ ਆਪਣੇ ਭਾਸ਼ਣ ਵਿੱਚ ਕਾਂਗਰਸ ਦੇ ਮੈਨੀਫੈਸਟੋ ਨੂੰ ਨਿਸ਼ਾਨਾ ਬਣਾਇਆ ਅਤੇ ਕਿਹਾ ਕਿ ਕਾਂਗਰਸ ਪਾਰਟੀ ਦੇਸ਼ ਦੀਆਂ ਔਰਤਾਂ ਦੇ ਸੋਨੇ ਦਾ ਹਿਸਾਬ ਕਰਕੇ ਉਸ ਨੂੰ ਵੰਡਣਾ ਚਾਹੁੰਦੀ ਹੈ।
ਮੋਦੀ ਨੇ ਕਿਹਾ, “ਸਾਡੇ ਆਦਿਵਾਸੀ ਪਰਿਵਾਰਾਂ ਵਿੱਚ ਚਾਂਦੀ ਹੁੰਦੀ ਹੈ, ਉਸਦਾ ਹਿਸਾਬ ਲਗਾਇਆ ਜਾਵੇਗਾ, ਜਿਹੜਾ ਭੈਣਾਂ ਦਾ ਸੋਨਾ ਹੈ, ਜਿਹੜੀ ਜਾਇਦਾਦ ਹੈ, ਉਹ ਸਾਰਿਆਂ ਨੂੰ ਬਰਾਬਰ ਵੰਡ ਦਿੱਤਾ ਜਾਵੇਗਾ, ਕੀ ਤੁਹਾਨੂੰ ਇਹ ਮਨਜ਼ੂਰ ਹੈ? ਤੁਹਾਡੀ ਜਾਇਦਾਦ ਸਰਕਾਰ ਨੂੰ ਲੈਣ ਦਾ ਕੀ ਹੱਕ ਹੈ? ਕੀ ਤੁਹਾਡੀ ਮਿਹਨਤ ਕਰਕੇ ਕਮਾਈ ਗਈ ਜਾਇਦਾਦ ਨੂੰ ਕਬਜ਼ੇ ਵਿੱਚ ਲੈਣ ਦਾ ਸਰਕਾਰ ਕੋਲ ਹੱਕ ਹੈ?”
ਉਨ੍ਹਾਂ ਅੱਗੇ ਕਿਹਾ, “ਇਹ ਕਾਂਗਰਸ ਦਾ ਮੈਨੀਫੈਸਟੋ ਕਹਿ ਰਿਹਾ ਹੈ ਕਿ ਉਹ ਮਾਵਾਂ ਭੈਣਾਂ ਦੇ ਸੋਨੇ ਦਾ ਹਿਸਾਬ ਕਰਨਗੇ, ਉਸ ਦੀ ਜਾਣਕਾਰੀ ਲੈਣਗੇ ਅਤੇ ਫਿਰ ਵੰਡ ਦੇਣਗੇ ਅਤੇ ਉਨ੍ਹਾਂ ਨੂੰ ਵੰਡਣਗੇ ਜਿਨ੍ਹਾਂ ਨੂੰ ਮਨਮੋਹਨ ਸਿੰਘ ਦੀ ਸਰਕਾਰ ਨੇ ਕਿਹਾ ਸੀ ਕਿ ਜਾਇਦਾਦ ਉੱਤੇ ਪਹਿਲਾ ਹੱਕ ਮੁਸਲਮਾਨਾਂ ਦਾ ਹੈ, ਭਰਾਓ ਅਤੇ ਭੈਣੋਂ ਇਹ ਅਰਬਨ ਨਕਸਲ ਦੀ ਸੋਚ, ਮੇਰੀ ਮਾਂ-ਭੈਣੋਂ ਇਹ ਤੁਹਾਡਾ ਮੰਗਲਸੂਤਰ ਵੀ ਬਚਣ ਨਹੀਂ ਦੇਣਗੇ, ਇਹ ਇੱਥੇ ਤੱਕ ਜਾਣਗੇ।”
ਤੱਤਕਾਲੀ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਕੀ ਕਿਹਾ ਸੀ
ਭਾਰਤ ਦੇ ਤੱਤਕਾਲੀ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਸਾਲ 2006 ਵਿੱਚ ਰਾਸ਼ਟਰੀ ਵਿਕਾਸ ਪਰਿਸ਼ਦ(ਐੱਨਡੀਸੀ) ਦੀ ਬੈਠਕ ਵਿੱਚ ਭਾਸ਼ਣ ਦਿੱਤਾ ਸੀ।
ਮਨਮੋਹਨ ਸਿੰਘ ਨੇ ਕਿਹਾ ਸੀ, “ਮੇਰਾ ਮੰਨਣਾ ਹੈ ਕਿ ਸਾਡੀਆਂ ਸਮੂਹਿਕ ਤਰਜੀਹਾਂ ਸਪੱਸ਼ਟ ਹਨ, ਖੇਤੀ, ਪਾਣੀ ਦੀ ਸਿੰਚਾਈ, ਜਲ ਸਰੋਤ, ਸਿਹਤ, ਸਿੱਖਿਆ, ਪੇਂਡੂ ਬੁਨਿਆਦੀ ਢਾਂਚੇ ਵਿੱਚ ਮਹੱਤਵਪੂਰਨ ਨਿਵੇਸ਼ ਅਤੇ ਸਮਾਨ ਬੁਨਿਆਦੀ ਢਾਂਚੇ ਦੇ ਲਈ ਲੋੜੀਂਦੇ ਸਰਕਾਰੀ ਨਿਵੇਸ਼ ਦੀਆਂ ਲੋੜਾਂ, ਨਾਲ ਹੀ ਅਨੁਸੂਚਿਤ ਜਾਤ, ਅਨੁਸੂਚਿਤ ਜਨਜਾਤੀ, ਹੋਰ ਪਿਛੜੇ ਵਰਗਾਂ ਨੂੰ ਉੱਪਰ ਚੁੱਕਣ ਦੇ ਲਈ ਪ੍ਰੋਗਰਾਮ, ਘੱਟਗਿਣਤੀਆਂ, ਔਰਤਾਂ ਅਤੇ ਬੱਚਿਆਂ ਦੇ ਲਈ ਯੋਜਨਾਵਾਂ।”
ਉਨ੍ਹਾਂ ਨੇ ਕਿਹਾ ਸੀ, “ਅਨੁਸੂਚਿਤ ਜਾਤਾਂ ਅਤੇ ਜਨਜਾਤੀਆਂ ਨੂੰ ਮਜ਼ਬੂਤ ਬਣਾਉਣ ਦੀ ਲੋੜ ਹੈ ਸਾਨੂੰ ਕਈ ਨਵੀਆਂ ਯੋਜਨਾਵਾਂ ਲਿਆ ਕੇ ਇਹ ਯਕੀਨੀ ਬਣਾਉਣਾ ਪਵੇਗਾ ਕਿ ਘੱਟਗਿਣਤੀਆਂ ਦਾ ਅਤੇ ਖ਼ਾਸ ਕਰਕੇ ਮੁਸਲਮਾਨਾਂ ਨੂੰ ਵੀ ਉੱਪਰ ਚੁੱਕਿਆ ਜਾ ਸਕੇ।”
“ਉਨ੍ਹਾਂ ਨੂੰ ਵੀ ਵਿਕਾਸ ਦਾ ਫਾਇਦਾ ਮਿਲ ਸਕੇ, ਇਨ੍ਹਾਂ ਸਾਰਿਆਂ ਦਾ ਸਰੋਤਾਂ ਉੱਤੇ ਪਹਿਲਾ ਦਾਅਵਾ ਹੋਣਾ ਚਾਹੀਦਾ ਹੈ, ਕੇਂਦਰ ਦੇ ਕੋਲ ਬਹੁਤ ਜ਼ਿੰਮੇਵਾਰੀਆਂ ਹਨ ਅਤੇ ਸਾਰੇ ਸਰੋਤਾਂ ਦੀ ਉਪਲਬਧਤਾ ਵਿੱਚ ਸਾਰਿਆਂ ਦੀਆਂ ਲੋੜਾਂ ਨੂੰ ਸ਼ਾਮਲ ਕਰਨਾ ਜ਼ਰੂਰੀ ਹੈ।”
ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਮਨਮੋਹਨ ਸਿੰਘ ਨੇ ਇਹ ਭਾਸ਼ਣ ਅੰਗ੍ਰੇਜ਼ੀ ਵਿੱਚ ਦਿੱਤਾ ਸੀ ਅਤੇ ਉਨ੍ਹਾਂ ਨੇ ਅਧਿਕਾਰ ਜਾਂ ਹੱਕ ਸ਼ਬਦ ਦੀ ਵਰਤੋਂ ਨਹੀਂ ਕੀਤੀ ਸੀ, ਜਦਕਿ ਉਨ੍ਹਾਂ ਨੇ ਅੰਗੇਜ਼ੀ ਵਿੱਚ ‘ਕਲੇਮ’ ਸ਼ਬਦ ਦੀ ਵਰਤੋਂ ਕੀਤੀ ਸੀ।
ਉਨ੍ਹਾਂ ਦਾ ਇਹ ਭਾਸ਼ਣ ਪੀਐੱਮਓ ਆਰਕਾਈਵ ਉੱਤੇ ਇੱਥੇ ਦੇਖਿਆ ਜਾ ਸਕਦਾ ਹੈ।
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਸ਼ਾਨ ਸੁਖਬੀਰ ਬਾਦਲ ਨੇ ਪ੍ਰਧਾਨ ਮੰਤਰੀ ਦੇ ਇਸ ਬਿਆਨ ਉੱਤੇ ਪ੍ਰਤੀਕਿਰਿਆ ਦਿੰਦਿਆਂ ਆਪਣੇ ਐਕਸ ਅਕਾਊਂਟ ਉੱਤੇ ਲਿਖਿਆ, “ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਕਦੇ ਵੀ ਅਜਿਹੇ ਬਿਆਨ ਨਹੀਂ ਦੇਣੇ ਚਾਹੀਦੇ ਜੋ ਸਾਡੇ ਆਪਣੇ ਦੇਸ਼ ਦੇ ਲੋਕਾਂ ਵਿੱਚ ਫਿਰਕੂ ਨਫ਼ਰਤ, ਆਪਸੀ ਸ਼ੱਕ ਅਤੇ ਜ਼ਹਿਰ ਫੈਲਾਉਂਦੇ ਹਨ। ਭਾਰਤ ਹਿੰਦੂ, ਸਿੱਖ, ਮੁਸਲਮਾਨ, ਈਸਾਈ ਅਤੇ ਹੋਰ ਧਰਮਾਂ ਦਾ ਸਾਂਝਾ ਦੇਸ਼ ਹੈ।”
“ਪ੍ਰਧਾਨ ਮੰਤਰੀ ਅਤੇ ਭਾਜਪਾ ਨੂੰ ਸਰਦਾਰ. ਪ੍ਰਕਾਸ਼ ਸਿੰਘ ਜੀ ਬਾਦਲ ਤੋਂ ਸਿੱਖਣਾ ਚਾਹੀਦਾ ਹੈ ਕਿ ਸ਼ਾਂਤੀ ਅਤੇ ਫਿਰਕੂ ਸਦਭਾਵਨਾ ਨੂੰ ਕਿਵੇਂ ਯਕੀਨੀ ਬਣਾਇਆ ਜਾਂਦਾ ਹੈ। ਬਾਦਲ ਸਾਬ੍ਹ
ਹਰ ਕੌਮ ਦੇ ਧਾਰਮਿਕ ਸਮਾਗਮਾਂ ਅਤੇ ਦਿਹਾੜਿਆਂ ਦਾ ਨਿੱਜੀ ਤੌਰ ‘ਤੇ ਸਨਮਾਨ ਕਰਦੇ ਸਨ। ਇਹ ਦੇਸ਼ ਸਾਡੇ ਸਾਰਿਆਂ ਦਾ ਹੈ। ਸਾਰਿਆਂ ਨੂੰ ਇਸ ਬਰਾਬਰਤਾ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ।”
ਵਿਰੋਧੀ ਧਿਰ ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਇਸ ਭਾਸ਼ਣ ਦਾ ਸਖ਼ਤ ਵਿਰੋਧ ਕਰਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਫ਼ਰਤ ਦੇ ਬੀਜ ਬੀਜ ਰਹੇ ਹਨ।
ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਟਵਿੱਟਰ ‘ਤੇ ਲਿਖਿਆ, “ਵੋਟਿੰਗ ਦੇ ਪਹਿਲੇ ਪੜਾਅ ‘ਚ ਨਿਰਾਸ਼ਾ ਤੋਂ ਬਾਅਦ ਨਰਿੰਦਰ ਮੋਦੀ ਦੇ ਝੂਠ ਦਾ ਪੱਧਰ ਇੰਨਾ ਡਿੱਗ ਗਿਆ ਹੈ ਕਿ ਡਰ ਦੇ ਮਾਰੇ ਉਹ ਹੁਣ ਜਨਤਾ ਨੂੰ ਮੁੱਦਿਆਂ ਤੋਂ ਮੋੜਨਾ ਚਾਹੁੰਦੇ ਹਨ।”
“ਕਾਂਗਰਸ ਦੇ ‘ਇਨਕਲਾਬੀ ਮੈਨੀਫੈਸਟੋ’ ਨੂੰ ਮਿਲ ਰਹੇ ਚੰਗੇ ਸਮਰਥਨ ਦੇ ਰੁਝਾਨ ਆਉਣੇ ਸ਼ੁਰੂ ਹੋ ਗਏ ਹਨ। ਦੇਸ਼ ਹੁਣ ਆਪਣੇ ਮੁੱਦਿਆਂ ‘ਤੇ ਵੋਟ ਪਾਵੇਗਾ, ਆਪਣੇ ਰੁਜ਼ਗਾਰ, ਆਪਣੇ ਪਰਿਵਾਰ ਅਤੇ ਇਸ ਦੇ ਭਵਿੱਖ ਲਈ ਵੋਟ ਦੇਵੇਗਾ। ਭਾਰਤ ਭਟਕੇਗਾ ਨਹੀਂ!”
ਕਾਂਗਰਸ ਨੇਤਾ ਪਵਨ ਖੇੜਾ ਨੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਜਾਰੀ ਕਰਕੇ ਕਿਹਾ, “ਦੇਸ਼ ਦੇ ਪ੍ਰਧਾਨ ਮੰਤਰੀ ਨੇ ਅੱਜ ਫਿਰ ਝੂਠ ਬੋਲਿਆ। ਚੋਣ ਜਿੱਤਣ ਲਈ ਤੁਸੀਂ ਜਨਤਾ ਨੂੰ ਝੂਠ ਉੱਤੇ ਝੂਠ ਪਰੋਸਦੇ ਰਹੋਗੇ। ਤੁਹਾਡੀਆਂ ਗਰੰਟੀਆਂ ਝੂਠੀਆਂ, ਤੁਹਾਡੇ ਬਿਆਨ ਝੂਠੇ, ਤੁਹਾਡੇ ਵਾਅਦੇ ਝੂਠੇ ਹਨ।”
ਉਨ੍ਹਾਂ ਕਿਹਾ, ”ਤੁਸੀਂ ਹਿੰਦੂ-ਮੁਸਲਿਮ ਦੇ ਨਾਂ ‘ਤੇ ਝੂਠ ਬੋਲ ਕੇ ਦੇਸ਼ ਨੂੰ ਵੰਡ ਰਹੇ ਹੋ। ਮੈਂ ਪ੍ਰਧਾਨ ਮੰਤਰੀ ਨੂੰ ਚੁਣੌਤੀ ਦਿੰਦਾ ਹਾਂ ਕਿ ਜੇਕਰ ਕਾਂਗਰਸ ਦੇ ਚੋਣ ਮਨੋਰਥ ਪੱਤਰ ‘ਚ ਕਿਤੇ ਵੀ ਮੁਸਲਮਾਨ ਅਤੇ ਹਿੰਦੂ ਸ਼ਬਦ ਹਨ ਤਾਂ ਉਹ ਸਾਨੂੰ ਦੱਸਣ ਅਤੇ ਇਸ ਚੁਣੌਤੀ ਨੂੰ ਸਵੀਕਾਰ ਕਰਨ ਜਾਂ ਫਿਰ ਝੂਠ ਬੋਲਣਾ ਬੰਦ ਕਰਨ।”
“ਕਾਂਗਰਸ ਦੇ ਚੋਣ ਮਨੋਰਥ ਪੱਤਰ ਵਿੱਚ ਇਨਸਾਫ਼ ਦੀ ਗੱਲ ਹੈ, ਨੌਜਵਾਨਾਂ ਨਾਲ ਇਨਸਾਫ਼, ਔਰਤਾਂ ਨਾਲ ਇਨਸਾਫ਼, ਆਦਿਵਾਸੀਆਂ ਨਾਲ ਇਨਸਾਫ਼, ਮਜ਼ਦੂਰਾਂ ਨਾਲ ਇਨਸਾਫ਼ ਦੀ ਗੱਲ ਹੈ। ਪ੍ਰਧਾਨ ਮੰਤਰੀ ਨੂੰ ਇਸ ‘ਤੇ ਇਤਰਾਜ਼ ਹੈ। ਇਤਰਾਜ਼ ਕਿਉਂ ਹੋਣਾ ਚਾਹੀਦਾ ਹੈ? ਸਾਡਾ ਚੋਣ ਮਨੋਰਥ ਪੱਤਰ ਇਨਸਾਫ਼ ਦਿਖਾਉਂਦਾ ਹੈ। ਪ੍ਰਧਾਨ ਮੰਤਰੀ ਨੂੰ ਅਤੇ ਇਸ ਤੋਂ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਨੇ ਪਿਛਲੇ 10 ਸਾਲ ਹਿੰਦੂ-ਮੁਸਲਿਮ ਖੇਡ ਕੇ ਖਤਮ ਕੀਤੇ ਹਨ ਅਤੇ ਪ੍ਰਧਾਨ ਮੰਤਰੀ ਨੂੰ ਆਪਣੇ ਆਪ ‘ਤੇ ਸ਼ਰਮ ਆਉਣੀ ਚਾਹੀਦੀ ਹੈ।”
ਉਨ੍ਹਾਂ ਅੱਗੇ ਕਿਹਾ, ”ਇਸ ਤਰ੍ਹਾਂ ਝੂਠ ਬੋਲਣ ਅਤੇ ਦੇਸ਼ ਨੂੰ ਵੰਡਣ ‘ਤੇ ਸ਼ਰਮ ਮਹਿਸੂਸ ਕਰਨੀ ਚਾਹੀਦੀ ਹੈ… ਪ੍ਰਧਾਨ ਮੰਤਰੀ ਜੀ, ਤੁਹਾਡੇ ਝੂਠ ਕਾਰਨ ਲੋਕ ਸਾਡਾ ਮੈਨੀਫੈਸਟੋ ਪੜ੍ਹ ਰਹੇ ਹਨ ਅਤੇ ਇਸ ‘ਚ ਤੁਹਾਡਾ ਝੂਠ ਲੱਭ ਰਹੇ ਹਨ ਕਿ ‘ਹਿੰਦੂ’ ਕਿੱਥੇ ਲਿਖਿਆ ਹੋਇਆ ਹੈ। ਨਹੀਂ ਤਾਂ ਇਹ ਸ਼ਬਦ ਤੁਹਾਡੇ ਦਿਮਾਗ ਵਿੱਚ ਨਹੀਂ ਹਨ ਅਤੇ ਨਾ ਹੀ ਸਾਡੇ ਮੈਨੀਫੈਸਟੋ ਵਿੱਚ ਹਨ, ਨਾ ਹੀ ਇਸ ਸਮਾਜ ਵਿੱਚ।”
ਪਵਨ ਖੇੜਾ ਨੇ ਕਿਹਾ, “ਇਹ ਤਾਂ ਤੁਹਾਡੀ ਹਲਕੀ ਮਾਨਸਿਕਤਾ ਹੈ, ਹੋਰ ਕਿਤੇ ਨਹੀਂ। ਪ੍ਰਧਾਨ ਮੰਤਰੀ ਜੀ ਝੂਠ ਬੋਲਣਾ ਬੰਦ ਕਰੋ। ਹੁਣ ਡੇਢ ਮਹੀਨਾ ਬਾਕੀ ਹੈ। ਜਾਓ, ਸੇਵਾਮੁਕਤ ਹੋਵੋ ਅਤੇ ਇੱਜ਼ਤ ਨਾਲ ਸੇਵਾਮੁਕਤ ਹੋਵੋ। ਘੱਟੋ-ਘੱਟ ਝੂਠ ਬੋਲਣਾ ਤਾਂ ਬਹੁਤ ਪੜ੍ਹਿਆ-ਲਿਖਿਆ ਹੈ।
” ਲੋਕ ਤੁਹਾਡੇ ਤੋਂ ਪਹਿਲਾਂ ਇਸ ਕੁਰਸੀ ‘ਤੇ ਬੈਠੇ ਹਨ ਅਤੇ ਕਿਸੇ ਨੇ ਤੁਹਾਡੇ ਵਾਂਗ ਝੂਠ ਨਹੀਂ ਬੋਲਿਆ।”
“ਤੁਹਾਡੇ ਬਾਅਦ ਵੀ ਕਈ ਚੰਗੇ ਲੋਕ ਆਏ ਹਨ। ਤੁਸੀਂ ਪ੍ਰਧਾਨ ਮੰਤਰੀ ਵੀ ਬਣਨਗੇ ਕੋਈ ਇਸ ਤਰ੍ਹਾਂ ਝੂਠ ਨਹੀਂ ਬੋਲੇਗਾ। ਤੁਸੀਂ ਜਿਸ ਤਰ੍ਹਾਂ ਦੇ ਝੂਠ ਬੋਲੇ ਹਨ, ਉਸ ਲਈ ਤੁਹਾਡਾ ਨਾਮ ਇਤਿਹਾਸ ਦੇ ਕੂੜੇਦਾਨ ਵਿੱਚ ਜਾਵੇਗਾ। ਮਾਫ਼ ਕਰਨਾ, ਅਸੀਂ ਇਹ ਭਾਸ਼ਾ ਉਨ੍ਹਾਂ ਤੋਂ ਹੀ ਸਿੱਖੀ ਹੈ।”
ਯੂਥ ਕਾਂਗਰਸ ਨੇਤਾ ਸ਼੍ਰੀਨਿਵਾਸ ਬੀਵੀ ਨੇ ਪ੍ਰਧਾਨ ਮੰਤਰੀ ਮੋਦੀ ਦੇ ਭਾਸ਼ਣ ਦਾ ਹਿੱਸਾ ਸਾਂਝਾ ਕਰਦੇ ਹੋਏ ਲਿਖਿਆ, “ਇਹ ਦੇਸ਼ ਦੀ ਬਦਕਿਸਮਤੀ ਹੈ ਕਿ ਇਹ ਵਿਅਕਤੀ ਇਸ ਦੇਸ਼ ਦਾ ਪ੍ਰਧਾਨ ਮੰਤਰੀ ਹੈ, ਅਤੇ ਇਸ ਤੋਂ ਵੀ ਵੱਡੀ ਤ੍ਰਾਸਦੀ ਇਹ ਹੈ ਕਿ ਭਾਰਤ ਦਾ ਚੋਣ ਕਮਿਸ਼ਨ ਹੁਣ ਜ਼ਿੰਦਾ ਨਹੀਂ ਹੈ।”
ਉਨ੍ਹਾਂ ਲਿਖਿਆ, ”ਹਾਰ ਦੀ ਘਬਰਾਹਟ ਕਾਰਨ ਭਾਰਤ ਦੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੇ 18 ਸਾਲ ਪੁਰਾਣੇ ਅਧੂਰੇ ਬਿਆਨ ਦਾ ਗਲਤ ਹਵਾਲਾ ਦਿੰਦੇ ਹੋਏ (ਇਸ ਨੂੰ ਗਲਤ ਸੰਦਰਭ ਵਿੱਚ ਵਰਤਦੇ ਹੋਏ) ਖੁੱਲ੍ਹੇਆਮ ਨਫ਼ਰਤ ਦੇ ਬੀਜ ਬੀਜ ਰਹੇ ਹਨ, ਪਰ ਚੋਣ ਕਮਿਸ਼ਨ (ਮੋਦੀ ਪਰਿਵਾਰ) ਝੁਕਿਆ ਹੋਇਆ ਹੈ।”